Foto: Bernd Schlüsselburg – För een Vergröterung eenfach op dat Bild klicken.

  Use School licht an’n eenzigordigen „Nationalpark Wattenmeer“,
  de vun de UNESCO as „Weltkulturerbe“ uttekend worn is.

De BBS Cuxhoben sünd een grotes un modernet Zentrum för Berufsbillung in de nordwestliche Eck vun Neddersassen, joo meist ook vun Düütschland un sünd all vör över hunnerttein Johr’n grünn woorn.

Wi hebbt bannig veel ünnerscheedliche Schoolforms in’t Huus: Berufs-, Berufsfach-, Fachhoch- un Fachschooln un ook hooge Schooln – wi seggt darto „berufliche Gymnasien“ - , in de ju dat Afftur moken köönt. In düsse Schooln ward ünnricht in soziole Berufe, in Wirtschaf un Verwaltung, Gesundheet, Ernährung, Huuswirtschaft, Gastronomie, in’t Levensmiddelhandwark, in Metall-, Elektro- un Drucktechnik, in Farvtechnik un Ruumgestaltung, Körperpleeg un in Informatschons- un Kommunikatschonsstechnik.

Wi sünd ook een Zentrum för niege un för tokamen Tieden  wichdige Techniken för Fohrtüg un för Water-, Schietwater-, Warms- un Klimatechnik.  

Wenn ju een Utbillung in een Beruf mookt, denn kriecht ju de Theorie in de Berufsschool biebrocht, oder ju ward bi us op een Utbillung vörbreit, direktemang in een Beruf utbillt oder vör een Studium an de Fachhochschooln oder Universitäten schlau mookt.

Dat mutt doch mit’n Düvel togohn, wenn för ju nich dat Richtige dorbi is.

Jüss nu ward in’n technischen Deel vun use School verschedene Utbillungen för Lüüd dörföhrt, de düsse för eer Arbeid an de Windkraftanlogen op See bruuken doon doot.

Use School besöökt an de 2400 Schooldeerns un Schooljungs, de vun all tohoop över 150 Schoolmeesters ünnricht ward.

Vun 2003 bit toot Joor 2010 hebbt wi us in denn Schoolversök ProReKo heel afmarakt. Wi bemöht us as een sülvstännige School ook nu dat, wat wi in uns Region vör ju un de annern, de mit de Berufsutbillung wat todoon hebbt, levern schüllt un mööt, jümmers beter ümtosetten. De Schoolversöök leppt noch bit to’t Enn vun’t Joor tweedusendtein, avers dorno arbeit de Berufsschooln all tohoop sülvstännig, so as wi dat nu all doon doot.